ያፈቀረሽ አይኔ አሻግሮ ያይሻል
የናፈቀሽ ልቤ ሲያስብሽ ያመሻል
አሃሃ አይ ውበት አሃሃ አይ ቁመና ሁሉን አድሎሻል
አሃሃ ያም ለኔ አሃሃ ያም የኔ እንዴት ይሻልሻል

ያፈቀረሽ አይኔ አሻግሮ ያይሻል
የናፈቀሽ ልቤ ሲያስብሽ ያመሻል
አሃሃ አይ ውበት አሃሃ አይ ቁመና ሁሉን አድሎሻል
አሃሃ ያም ለኔ አሃሃ ያም የኔ እንዴት ይሻልሻል

ወይ ንግግር አላውቅ አንደበቴም ዝግ ነው
የቀዬው ጎረምሣ አንቺን አሳቢ ነው
ከብቶቼን ለግጦሽ እነዳለሁ
ወንዙ ዳር ተቀምጠሽ አይሻለሁ
እንዴት ቀርብሻለሁ

እንስራሺን ያዢና አንቺ ሰው
እዋርካው ስር ላግኝሽ
ልቤን አረጋግቼ ያገር ልጅ
የሆዴን ላነጋግርሽ

ቤትሽ ከጎኔ ሆኖ አንቺ ሰው
በዚህ ላይ አብሮ አደጌ
አንገቴ ዘሞ ዋለ ያገር ልጅ
ላውጋሽ እንዴት አድርጌ

ኧረ እኔማ አዘንኩኝ በራሴው ተፈጥሮ
ባላወኩሽ ኖሮ
እዘኚልኝ አፍቅሬሽ ተጎዳው በጣሙን
ኧረ እንደምን ልሁን

ኧረ እኔማ አዘንኩኝ በራሴው ተፈጥሮ
ባላወኩሽ ኖሮ
እዘኚልኝ አፍቅሬሽ ተጎዳው በጣሙን
ኧረ እንደምን ልሁን

ያፈቀረሽ አይኔ አሻግሮ ያይሻል
የናፈቀሽ ልቤ ሲያስብሽ ያመሻል
አሃሃ አይ ውበት አሃሃ አይ ቁመና ሁሉን አድሎሻል
አሃሃ ያም ለኔ አሃሃ ያም የኔ እንዴት ይሻልሻል

ያፈቀረሽ አይኔ አሻግሮ ያይሻል
የናፈቀሽ ልቤ ሲያስብሽ ያመሻል
አሃሃ አይ ውበት አሃሃ አይ ቁመና ሁሉን አድሎሻል
አሃሃ ያም ለኔ አሃሃ ያም የኔ እንዴት ይሻልሻል

አወይ የቃል ችግር የስትንፋሴ ድክመት
ስሜቴን ላብራራው ከራሴው ስሟገት
ጀንበሯም ጠለቀች ቀኑም መሸ
አወይ የኔ ድካም ተበላሸ
ድፍረት ከኔ ሸሸ

የአንባ ውብ መሆንሽን አንቺ ሰው
ሁሉም ያወጋልኛል
መቀደሜንም ሰጋሁ ያገር ልጅ
ኧረ እንዴት ይሻለኛል?

የመስኩ ውሏችንማ አንቺ ሰው
ምንኛ ወደድኩልሽ
ላንድ ቀን ቀርተሽ እንደው
ያገር ልጅ የወር ነው የምናፍቅሽ

ምን ተሻለኝ አልቻልኩም ልነግርሽ ያሳቤን
የሆዴን የልቤን
አብሮ ማደግ በእህትነትማ ከቀረ
ለምን ተፈቀረ?

ምን ተሻለኝ አልቻልኩም ልነግርሽ ያሳቤን
የሆዴን የልቤን
አብሮ ማደግ በእህትነትማ ከቀረ
ለምን ተፈቀረ?

ኧረ እኔማ አዘንኩኝ በራሴው ተፈጥሮ
ባላወኩሽ ኖሮ
እዘኚልኝ አፍቅሬሽ ተጎዳው በጣሙን
ኧረ እንደምን ልሁን?